قصة
اشقر العين لاتخاويه
قصة سمعتها فعجبتني فاحببت ان أنقلها لكم ,, اعذروني القصة بالهجه العاميه
في الزمن القديم حيثوا كان الفقر والجوع هو السائد في البلاد ,ومن المعروف في ذلك الوقت ان الناس لا يستقرون
في مكان واحد بل كانوا يرتحلون من منطقة الى اخرى بحثاً عن ارزاقهم , وكان هناك رجل مع زوجته وابناءه يتنقل بين المناطق القريبه
من بعض لعله يجد عملا يتكسب منه ,
لكن للاسف لم يجد , فقرر ذلك الرجل ان يرحل بعيدا طلباً للرزق ويترك زوجته واطفاله في هذه المنطقة ...
ذهب ذلك الرجل وراح يمشي مسافات طويلة, وهو في طريقه رأى خيمة فتوجه اليها
فوجد فيهارجلاً كبيرا في السن انعم الله عليه خيراً كثيراً,فسلم ذلك الرجل
المتنقل على الرجل المسن وطلب منه ان يعمل عنده فوافق الرجل الكبير بالسن
_ لانه يحتاج من يساعده
وبعد مرووور 5 سنين قرر الرجل العودة الى اهله بعد ان كافأه الرجل المسن
بثلث حلاله,لكن الرجل المسن طلب منه البقاء وقال له ساعطيك الثلث الاخر من
حلالي ان جلست 5 سنين اخرى , فجلس
وبعد مرور 5 سنين قرر الرجل العودة الى اهله ومعه الثلثين من الحلال , لكن
الرجل المسن عااااد وطلب منه البقاء مقابل الثلث الاخير من حلاله , فجلس
الرجل ولم يرحل.
وبعد ان انقضت 5 سنين قرر الرجل العودة الى اهله وقد اشتاق اليهم ..
وحينما ابتعد من الخيمة اذا بالرجل المسن يناديه ..فعاد اليه الرجل..
فقال الرجل المسن: عندي لك نصيحة ان اردتها ترد لي ثلث من الحلال,فقال الرجل: وماهي النصيحة , فقال الرجل الكبير :اشقر
العين لاتخاويه.
فغضب الرجل وقال ارجع ثلث من الحلال علشان تقولي هالكلام .. المهم اعطاه
الثلث ومشي ولما بعد الا والرجال الشايب يرجع يناديه ورجع الرجال بيشوف وش
عند الشايب .. ولقي نفس الموال نصيحة ثانيه مقابل الثلث من الحلال ..
طيب وش هي النصيحة: ( بطن الوادي لاتبات فيه ) .
رجع الرجال الثلث بعد ماسمع نصيحة الرجال الكبير وكمل طريقه راح يمشي مابقى معاه غير ثلث الحلال
<< يعني شقى 10 سنين ضاع
وفجأة ولا يسمع صوت ارجع يافلان
هذي المرة الرجال طنش الشايب, قال اكيد بيقول نصيحة وياخذ اخر شي من تعبي
,وفي نفس الوقت قال : معقولة عشرة عمر بيني وبين الشايب وفي النهايه اطنشه
.
جاء الرجال الطيب لشايب وقاله وش النصيحة الي عندك هالمرة ,قاله الشايب غضبك بيته).
سلم الرجال الثلث الاخير لشايب وودعه ومشي .. وهو يقول في نفسه راجع لحرمتي وعيالي ويديني فاضيه
المهم الرجال وهو في طريقة راجع لديرت اهله قابل رجال فارس واتعرف عليه
وجلسوا مع بعضهم بيريحون شوي وكان الوقت ليل فشبوا النار ولا يسطع النار
في وجهه ويشوف عيون الرجال شقر ويتذكر نصيحة الشايب-اشقر
العين لاتخاويه- ,فلما جاء وقت النوم الرجال اخذ فراشه وبعد شوي عن ابو عيون شقر
..ولما ساله ليش بعدت قاله: ابي اخذ راحتي بالنومة.. وثلث الليل ويقوم ابو
عيون شقر بعد ماسوى نفسه انه نايم .. ويروح لفراش الرجال ويطلع سلاحة ويوم
صوبه مالقى فيه غير حجر .. طلع الرجال حط حجر في فراشه وراااح يراقب من
بعيد ..
قام
اشقر العين وصوب فرد يعني المسدس على فراش الرجال. ومن اطلق اطلقه الاولى قام الرجال وتعارك معه واخر شي الرجال ذبح
اشقر العين وثمـآآ جاء اخذ الحصان ويشوف فيه ذهب وياخذ ماحصل من غنائم .. ويقول الحمدلله الي سمعت نصيحة الشايب.
ويكمل رحلته وبعد ماقطع مساااافة وجد قاااافلة تسير ومعهم من الخير ماالله
به عليم وراح يمشي مع القافلة وبعدين وقفت القافلة في مكان بيرتاحوا..
وجعلوا المواشي والعبيد في مكان مرتفع.. والمسؤلين عن القافلة ارتاحوا في
بطن الوادي ,تذكر الرجال نصيحة الشايب ( بطن الوادي لاتبات فيه )
قام طلع وبات عند العبيد والمواشي , ولما جاء الصبح إلا ومحد في بطن الوادي جاء سيل واخذهم
ويسير هالرجال الي سمع نصيحة الشايب هو المسؤول عن القافلة.
_
واخيراً يوصل الرجل لديرته وقرب من خيمة اهلة وهو مشتاق لزوجته حبيبته
ولاطفاله وفجاة يشوف زوجته تقبل جبهة واحد ..وهو يعصب ويقول معقوله انا
اروح اكد واتعب وهذي نهايتها .. ويطلع سلاحة من الغضب ..
إلا ويتذكر نصيحة الشايب غضبك بيته ..فقال لنفسه خلني ابات قريب من الخيمة
..ويوم طلع الصبح وهو يروح للخيمة ويدخل على زوجته .. ويجلس يعاتبها انت
كيف تدخلين رجال غريب في بيتي؟ قالتله: يافلان صلي على النبي مادخل احد
غريب في بيتك . قالها : والي امس بالليل تقبلين جبهته
قالت زوجته : هذاك ولدك كبر وصار رجال ..
وبهذه القصة نستفيد من أمور ثلاثة وهي : أولا
إختيار الصحبة الصالحة يمكن الشايب ماحذر الرجل منه لأن عيونه شقر
بل لأنه سيء السمعة
الثانية :
الأخذ بالأسباب
الثالثة
كتم الغضب وعدم تفريغه وأيضا وجوب حسن الظن والثقة
خاصة مع الأهل
وفي النهاية أتمنى أنكم استمتعتم بقراءة القصة
واستفدتم منها
وفقكم البارئ
...... منقول ......
