جايبلي سلام ..كلمات الأخوين رحباني
.. لحن المبدع فليمون وهبه



أوف أوف بكير طل الحب عا حي لنا
حامل معو عتوبي و حكي و دمع و هنا
كنا و كانوا هالبنات مجمعين
يامي و ما بعرف ليش نقاني أنا
جايبلي سلام عصفور الجناين
جايبلي سلام من عند الحناين
نفض جناحتو عا شباك الدار
و متل اللي بريشاتو مخبي سرار سرار
قلي عالرماني غطيت و حكاني

و بعيونو الدبلاني شفت الهوى باين
شو قلي شو قلي عتبان المحبوب
ما بدك تطلي ابعتيلو مكتوب
وديلو شي ورقا عليها كتيبه زرقا
و امرقيلك مرقا مطرح منو ساكن
كل ليلة عشيي قنديلك ضويه
قوي الضو شويي و ارجعي وطيه
بيعرفها علامة و بيصلي تتنامي
و تقومي بالسلامة و يبقى قلبك لاين


[ندعوك للتسجيل في المنتدى أو التعريف بنفسك لمعاينة هذا الرابط]


خليك بالبيت - جوزف حرب
خليك بالبيت هلق حبيت
رح كون وحيدي وحدي فليت
الله يخليك خليك بالبيت خليك
خليك بالبيت هلق حبيت
رح كون حبيبي وحدي فليت
الله يخليك خليك بالبيت خليك
خليك لا تروح مشتاقة ليك
خليك كتير حبيت عينيك
و ما بعرف ليش و بغار عليك

الله يخليك خليك بالبيت خليك
ما تضل عالباب كرمالي فوت
ما خلى الليل طرقات و بيوت
ضجراني و شوب و كتير سكوت
الله يخليك خليك بالبيت خليك

[ندعوك للتسجيل في المنتدى أو التعريف بنفسك لمعاينة هذا الرابط]


رح نبقى سوى - جوزف حرب

من يوم التكون يا وطني الموج كنا سوى
ليوم البيعتق يا وطني الغيم رح نبقى سوى
تاجك من القمح تمنيتلك السلام
و شعبك بيحبك لتبرد الشمس و توقف الإيام
عا رماد اللي راحوا عا خاتم الزمان
على حجار السود اللي بقيو من الحيطان
عا منديلك إمي عا بواب البيوت
عم بكتب يا وطني الوطن ما بيموت
و أنت أنت من يوم اللي كنت أنت
رسمتك سنابل شهدا و حمام
رسمتك يا وطني وطن السلام
من إيدين الفقرا و شباك الصيادين جايي الحريي
و من الشمس المحفورة بعيون المظلومين جايي الحريي
و من الحق الضايع إلا من الشوارع
من شهدا الأرض الماتوا للأرض وجوهن منسيي
جايي النصر و جايي الحريي


[ندعوك للتسجيل في المنتدى أو التعريف بنفسك لمعاينة هذا الرابط]




معرفتي فيك - زياد الرحباني
معرفتي فيك إجت عا زعل
معرفتي فيك ما كانت طبيعيي من بعد ملل
حبك لإلي بلش متل الشفقة كان بدي حنان
و ما كنت سألاني و علقاني بهالحلقة محتاجي إنسان
بس اليوم ما بعرف كيف قلك يمكن هلق عم قلك
حبيبي لآخر مرة بقلك حبيبي مش أنت حبيبي


[ندعوك للتسجيل في المنتدى أو التعريف بنفسك لمعاينة هذا الرابط]




لبيروت - جوزف حرب
لبيروت من قلبي سلامٌ لبيروت و قُبلٌ للبحر و البيوت لصخرةٍ كأنها وجه بحارٍ قديمِ
هي من روحِ الشعب خمرٌ هي من عرقِهِ خبزٌ و ياسمين فكيف صار طعمها طعم نارٍ و دخانِ
لبيروت مجدٌ من رمادٍ لبيروت من دمٍ لولدٍ حُملَ فوق يدها أطفأت مدينتي قنديلها
أغلقت بابها أصبحت في السماء وحدها ... وحدها و ليلُ
أنتِ لي أنتِ لي أه عانقيني أنتِ لي رايتي و حجرُ الغدِ و موج سفرٍ
أزهرت جراح شعبي أزهرت .. دمعة الأمهات .. أنتِ بيروت لي أنتِ لي أه عانقيني


[ندعوك للتسجيل في المنتدى أو التعريف بنفسك لمعاينة هذا الرابط]

ما قدرت نسيت - جوزف حرب
زعلي طول أنا وياك و سنين بقيت
جرب فيهن أنا إنساك ما قدرت نسيت
لو جيت نهار عابيتي لقيت إنك حبيبي بغيابي جيت
بتشوف إن ما مرقوا إلا إيديك على هالبيت
كإنك حبيبي و أنت عينيك هلق فليت
يا ريتك هون حبيبي و ليل
و يكون نبيد و شمع الليل
و أكتبلك عا ورقة حتى ما قول ما بقدر قول
يا ريتك مش رايح يا ريت بتبقى عطول





[ندعوك للتسجيل في المنتدى أو التعريف بنفسك لمعاينة هذا الرابط]




عودك رنان - زياد الرحباني
عودك رنان رنة عودك إلي
و عيدا كمان ضلك عيد يا علي
سمعني العود عالعالي عيدا كمان عيدا كمان
دق ضلك دق قلي النغمي لكي
النغمي عالحق شو أحلى ملحكي
النغمي بتفوت النغمي بتفوت عاقلبي
جامع هالناس على صوت الوتر
وترك حساس حاجي تزن عالوتر
أثرت كتير عليهن عيدا كمان و عيدا كمان
دق قوي الدق وعي كل البشر
الليل مش للنوم أصل الليل للسهر
أنتا الدقيق أنتا الزويق سمعنا

[ندعوك للتسجيل في المنتدى أو التعريف بنفسك لمعاينة هذا الرابط]


بيروت هل ظفرت - الأخطل الصغير

بيروت هل ذرفت عيونك دمعة إلا ترشفها فؤادي المغرم
أنا من ثراك فهل أضن بأدمعي في حالتيك و من سمائك ألهم
كم ليلة عذراء جاذبها الهوى أنا و العنادل و الربى و الأنجم
فدت المنائر كلهن منارة هي في فم الدنيا هدى و تبسم
ما جئتها إلا هداك معلم فوق المنابر أو شجاك متيم
بيروت يا وطن الحضارة و النهى الحب بيني و الجفاء يهدم

[ندعوك للتسجيل في المنتدى أو التعريف بنفسك لمعاينة هذا الرابط]



يا مينا الحبايب - الأخوين رحباني
يا مينا الحبايب يا بيروت
يا شط اللي دايب يا بيروت
يا نجمي بحريي عم تتمرجح عالميي
يا زهرة الياقوت يا بيروت
عم يلفوا المراكب و القصص الغرايب غنية السفر و الدهب
و الهوا بالشوارع و القمر اللي ضايع عم يزرعوا الفرح و التعب
هديتك الطفولي إسوارتي الخجولي يا زهرة الياقوت
بحب العمر فيكي شو بعشق لياليكي ضجيج العتب و اللهو
يا بالي المش فاضي بالصيف اللي ماضي إيامك الحلوين إنتهوا
ساحات المدارس و إعياد و عرايس يا زهرة الياقوت
و حكاية بيروت حكاية الرصيف التعبان بالناس و بالحيطان
بالأمل العنيد بسكك الحديد بصوات الفرح و الهرا و الزمان
بيروت الشرايع منارة اللي ضايع يا زهرة الياقوت

[ندعوك للتسجيل في المنتدى أو التعريف بنفسك لمعاينة هذا الرابط]


شمس الأطفال - الأخوين رحباني
زوري زوري بيوتنا يا شمس الأطفال
و أضيئها بيوتنا يا شمس الأطفال
لهم حب الدنيا لهم لعب الدنيا
و هم فرح البال يا شمس الأطفال
يا يدها يا حرير هزي هزي السرير
فينام و يحلو لي و يغلو و إلى غده يطير
ركضوا ركضوا النهر
ضحكوا ضحك العمر
و أنتشرت أظلال يا شمس الأطفال
من قمر و سماء ملئوا البيت هناء
عتبات الدارة أعياد و الأيام صفاء
في الدرب الموصود في الأيام السود
رفقا بالأطفال يا شمس الأطفال

[ندعوك للتسجيل في المنتدى أو التعريف بنفسك لمعاينة هذا الرابط]

عم يلعبو الولاد - الأخوين رحباني
عم يلعبو الولاد عم يلعبو تحت السما الزرقا عم يلعبو
الولاد ملهيين باللعب الحلوين و بيركضوا ما بيتعبوا و عم يلعبوا
بيطيروا بهالسما طياير و بالساقية بيصفروا شخاتير
و بايديهن غمر وراق بيض و حمر و يلونوا هالعمر
الولاد من نهر الورد عم يشربوا و عم يلعبوا
و يا ولادنا اللي بتركضوا بالعيد و كل عيد بتبعدوا لبعيد
ياما بلياليكن نسهر نغطيكن نفزع نوعيكن
و لما بتوعوا من ايدينا بتهربوا تاتلعبوا









[ندعوك للتسجيل في المنتدى أو التعريف بنفسك لمعاينة هذا الرابط]

بدي خبركن - الأخوين رحباني
بدي خبركن قصة زغيرة زغيرة القصة و أنتوا زغار
منحكي و بتصير الليلة قصيرة بكرا انشالله تصيروا كبار
ليلة عيد فرح جديد و الأطفال أنوعدوا بالطفل السعيد
غنيات لعب و زينات و تتزين السجرة للميلاد السعيد
و كان في ولاد نسيت الأعياد نسيت تزورن بليلة الميلاد
بيتن بعيد و القرش بعيد و ما عندن تيزينوا سجرة الميلاد
صاروا يصلوا يركعوا يصلوا و يمكن صلاتن بكت الدنيي
و كان في برا عندن سجرة سجرة عمرا شي ميت سني
و في رف عصافير ملون حلو كتير و بدوا يبيض و ما بقى بكير
غط بهالسجرة صارت صفرا و حمرا و طلوا الولاد و تزينت السجرة
و فرحوا كتير بالزينة البتطير و صاروا يغنوا و يغنوا العصافير
ونزل العيد عيد معن العيد و من عابكرا سلموا و طاروا العصافير
خبرناكن قصة زغيرة زغيرة القصة و أنتوا زغار
حكينا و صارت الليلة قصيرة و بكرا انشالله تصيروا كبار





[ندعوك للتسجيل في المنتدى أو التعريف بنفسك لمعاينة هذا الرابط]
اومن - الأخوين رحباني
اومن أن خلف الحبات الوادعات تزهو جنات
اومن أن خلف الليل العاتي الأمواج يعلو سراج
اومن أن القلب الملقى في الأحزان يلقى الحنان ... كلي إيمان إيمان إيمان
اومن أن خلف الريح الهوجاء شفاه تتلو الصلاة
اومن أن في صمت الكون المقفل من يصغي لي
أني إذ ترنو عيناي للسماء تصفو الأضواء تعلو الألحان ... كلي إيمان إيمان إيمان






[ندعوك للتسجيل في المنتدى أو التعريف بنفسك لمعاينة هذا الرابط]

لمين الهدية - سعيد عقل
لمين الهديي اللي جبتا عشيي
فستان المطرز و بلوزة مخملي ... لمين لمين
لمين الحراير لا تقولي
بمغازل الخاطر مشغولي
و بخبي و بخبي و يتعبني حبي
غنيي بقلبي و الهوى بعينيي
بأحلى المواسم مزروعة
عالصباح الحالم عم توعى
و أسوارة و عقودي للحلى مرصودة
و شريطة معقودة عالغرة العسلية








[ندعوك للتسجيل في المنتدى أو التعريف بنفسك لمعاينة هذا الرابط]

إيام العيد - الأخوين رحباني
بهالعيد بدي قدم هديي لا دهب لا ورود جوريي
طالع عابالي ضم زهرة و قلب و قدمن للعيد عيديي
يا عيد يا طالل مع الألحان بالخير بزهور الهنا حليان
عالناس كل الناس وين ما كان تشرق سعادة و شمس مضويي
و بيوتنا اللي مشرعة للعيد فيها الألفة كل يوم تزيد
تنعاد و مواسم الخير تعيد عابلادنا بألف غنيي
يا ربي تزيد خيرك و تعيد
عالدنيي كلا إيام العيد
هلت بشاير ما جت حراير
و الطير الطاير غنى للعيد
وضويي و زيني بسحرا تغويني
بدو يلاقيني بيوم العيد
يا زنبق عالي بخصرو يلالي
و يموج قبالي و يرقص للعيد








[ندعوك للتسجيل في المنتدى أو التعريف بنفسك لمعاينة هذا الرابط]

حبيتك تا نسيت النوم - جوزف حرب
حبيتك تنسيت النوم يا خوفي تنساني
حابسني براة النوم و تاركني سهراني
أنا حبيتك حبيتك أنا حبيتك حبيتك
بشتاقلك لا بقدر شوفك و لا بقدر احكيك
بندهلك خلف الطرقات و خلف الشبابيك
بجرب إني إنسى بتسرق النسيان
و بفتكر لاقيتك رجعلي اللي كان
و تضيع مني كل ما لاقيتك
حبيتك حبيتك أنا حبيتك حبيتك
يا خوفي إبقى حبك بالإيام اللي جايي
و اتهرب من نسيانك ما اتطلع بمرايي
حبسي أنت أنت حبسي و حريتي أنت
و أنتا اللي بكرهو و اللي بحبو أنت
يا ريت ما سهرت و خفيتك
حبيتك حبيتك أنا حبيتك حبيتك





[ندعوك للتسجيل في المنتدى أو التعريف بنفسك لمعاينة هذا الرابط]


بعتتلك - زياد الرحباني
بعتتلك يا حبيب الروح بعتتلك روحي
و قلتلك مادام حتروح خد معاك روحي
أنا خايفه وديلك قلبي و تكون ناسيني و ناسي حبي
أنا عاشقة دايمن يا حبيبي روحي فإيدك يا حبيبي

أنا عندي حنين - الأخوين رحباني
أنا عندي حنين ما بعرف لمين
ليليي بيخطفني من بين السهرانين
بيصير يمشيني لبعيد يوديني
تا أعرف لمين و ما بعرف لمين
عديت الأسامي و محيت الأسامي و نامي يا عينيي إذا راح فيكي تنامي
و بعدو هالحنين من خلف الحنين الحنين بالدمع يغرقني و بأسامي المنسيين
تا أعرف لمين و ما بعرف لمين
أنا خوفي يا حبي لتكون بعدك حبي و متهيألي نسيتك و أنتا مخبى بقلبي
و بتودي الحنين ليليي الحنين يشلحني بالمنفى بعيونك الحلوين
تا أعرف لمين و ما بعرف لمين





[ندعوك للتسجيل في المنتدى أو التعريف بنفسك لمعاينة هذا الرابط]


البوسطة - زياد الرحباني
موعود بعيونك أنا موعود و شو قطعت كرمالن ضيع و جرود
إنتي إنتي إنتي عيونك سود و منك عارفي شو بيعملو فيي عيون السود
عاهدير البوسطة الكانت نقلتنا من ضيعة حملايا على ضيعة تنورين
تذكرتك يا عليا و تذكرت عيونك و يخرب بيت عيونك يا عليا شو حلوين
نحنا كنا طالعين بهالشوب و فطسانين
واحد عم ياكل خس و واحد عم ياكل تين
في واحد هو و مرتو و لوه شو بشعة مرتو
هنيالن ما أفضى بالن ركاب تنورين
و مش عارفين عيونك يا عليا شو حلوين
نحنا كنا طالعين طالعين و مش دافعين
ساعة نهديلو البال و ساعة نهدي الركاب
و هيدا اللي هو و مرتو عباء و داخت مرتو
و حياتي كان بيتركها تطلع وحدا عا تنورين
لو بيشوفو عيونك يا عليا شو حلوين
يا معلم لو بتسكر هالشباك يا معلم
الهوا يا معلم رح يصفقنا الهوا يا معلم






[ندعوك للتسجيل في المنتدى أو التعريف بنفسك لمعاينة هذا الرابط]
وحدن - طلال حيدر
وحدن بيبقو متل زهر البيلسان وحدهن بيقطفو وراق الزمان
بيسكرو الغابي بيضلهن متل الشتي يدقوا على بوابي على بوابي
يا زمان يا عشب داشر فوق هالحيطان ضويت ورد الليل عكتابي
برج الحمام مسور و عالي هج الحمام بقيت لحالي لحالي
يا ناطرين التلج ما عاد بدكن ترجعو صرخ عليهن بالشتي يا ديب بلكي بيسمعو
وحدن بيبقو متل هالغيم العتيق وحدهن وجوهن و عتم الطريق
عم يقطعوا الغابي و بإيدهن متل الشتي يدقوا البكي و هني على بوابي
يا زمان من عمر فيي العشب عالحيطان من قبل ما صار الشجر عالي
ضوي قناديل و أنطر صحابي مرقو فلو بقيت عبابي لحالي
يا رايحين و التلج ما عاد بدكن ترجعو صرخ عليهن بالشتي يا ديب بلكي بيسمعو







[ندعوك للتسجيل في المنتدى أو التعريف بنفسك لمعاينة هذا الرابط]

يا عود - الأخوين رحباني
يا عود يا رفيق السهر يا عود
متكي على المخمل بتتوجع
و تروح عا آخر دنيي و ترجع
تكتب و تمحي حدود يا عود
إحكيلي عاسهريات
بقصور كلها رخام و نوافير
و تشعشع الكاسات
عخصور تتلوى و حرير يطير
بحيرات مي و نار
و صوتك يشتي قمار
يشتي حلا غيم و زنابق سود يا عود




[ندعوك للتسجيل في المنتدى أو التعريف بنفسك لمعاينة هذا الرابط]

سمرا يا ام عيون وساع - الأخوين رحباني
سمرا يام عيون وساع و التنورة النيليي
مطرح ضيق ما بيساع رح حطك بعينيي
يا عيني عهالعينين العا دنية ورد انفتحوا
و كيف ما التفتوا عالميلين قلوب قلوب بينفتحوا
في نجم بلفتاتك ضاع حكيت عنك غنيي
و سحرك يللي ما بينباع مبكي الوردة الجوريي
لم بتكوني حدي بشوف الدنيي مزارع ورد و فل
جوانح تعباني و رفوف بساتين تزقزق و تطل
و لما الأسرار بتنزاع و بزعل من شي خبريي
بتقوليلي ارجع ارجع و مدري شو بيصير فيي
جلسي لنا و عالحب مجتمعين و تنيننا عالمقعد مجانين
وك قربي صوبي تنحكي شوي عيونك و قلبي و سر هالحلوين
مبارح كانت عم بتقول عصفورة لإختا بالسر
شالك يا سمرا مغزول من لون الزهر المخضر
خليني بعينيك شراع قاصد مينا منسيي
و إن شي مرة الزنبق شاع خبيلي منو شوي





[ندعوك للتسجيل في المنتدى أو التعريف بنفسك لمعاينة هذا الرابط]

يا ام العين الكحلى - الأخوين رحباني
هي يا ام العين الكحلى المنحب غنانيها
كنت بهاك الغرة أحلى و حياتك رديها
غرة و يا عيوني شو غرة عا جبينا تلوح
عم بترفرف متل الزهرة و للنسمة تبوح
و شريطة خضرا ... يوه
و ارقص يا شعرا ... هي
ما كانت أحلى ... ايه والله
الدنيي تضحكلا ... ايه و الله
تعو تا نقلا يللا يللا
و كانوا تحت الغرة عيونا غمزات حلوين
و الغرة ترفرف عجفونا و ترش تلوين
و قلوب تتطلع ... يوه
عالشعر اليلمع ... هي
ما كانت أحلى ... ايه و الله
الدنيي تضحكلا ... ايه و الله
تعو تا نقلا يللا يللا



[ندعوك للتسجيل في المنتدى أو التعريف بنفسك لمعاينة هذا الرابط]

صار لو زمان الحلو - الأخوين رحباني
صار لو زمان الحلو ما بان صار لو زمان
يمكن حدا زعلو و عتبان صار لو زمان
باعت رسول الحلو بيقول مع هالرسول
إنو الهوى بدلو عا طول ناسي عا طول
مين خلاك تدلل علينا؟
مين نساك دمعات عينينا؟
هيك الأمل يا حلو عتبان ناسي الحنان
ريت الجفا يا حلو ما كان ريتو ما كان





[ندعوك للتسجيل في المنتدى أو التعريف بنفسك لمعاينة هذا الرابط]


بعدا الليالي - الأخوين رحباني
بعدا الليالي ليالي بعدا الدوالي بالحما دوالي
بعدا الجمليي جميليي تومي لنا عن سطح بيتا العالي
قال يا جنا عا تلال و قال يا حكي عن جمال
يا ظلال الشجر عاطريق السهر يا حنين السؤال
بعدا الليالي هنيي بعدا عيونك عالهوى وفيي
إنتو سمانا حمانا إنتو الدنيي و السما النديي
غيب شو إلك يا رقيب و غيب عن طريق الحبيب
قصدنا منزلو هالحلو هالحلو هالبعيد القريب






[ندعوك للتسجيل في المنتدى أو التعريف بنفسك لمعاينة هذا الرابط]


يا ترى نسينا - الأخوين رحباني
يا ترى نسينا قمر ليالينا
يا ترى نسينا مخابيه في دوالينا
يا ترى جفانا و ما ذكر هوانا
و ثمر الورود البيض بملهانا
وردة على شباك مزروعة بتنام عالنهدات
نجمي عادرب الليل موجوعة بتقول للتلات
قمر ليالينا يا ترى نسينا
و الهوى جنا الأحلام عم يدعينا







[ندعوك للتسجيل في المنتدى أو التعريف بنفسك لمعاينة هذا الرابط]


سمعنا - الأخوين رحباني
سمعنا سمعنا شو شو سمعنا
سمعنا حكي ما في إلو معنى
سمعنا بإنو عهدنا تغير
و ما عاد رح يحكي الحلو معنا
قصة زعل عم تنحكى و تنقال
و يتغامزوا عا حكيها العزال
ما عاد بدو يزورنا و شو قال
قال الهوى ما عاد يجمعنا
شو يا حلو زعلان منا كيف
و منعرفو قلبك وفي و نضيف
و مادام ما في بيننا تكليف
عالقليلي امرق و ودعنا
صرنا غرب نحنا اللي كنا قراب
و أحباب ما في متلنا أحباب
لعيونك قطفنا زهور الغاب
و بوابنا للحب شرعنا
بكرا بترضى و الهنا بيتم
و بترجع تقطف ورد و تشم
لولا زعلت و رجعت شو بيهم
نحنا زعلنا كتير و رجعنا






[ندعوك للتسجيل في المنتدى أو التعريف بنفسك لمعاينة هذا الرابط]


بكرا بيجي نيسان - الأخوين رحباني
بكرا بيجي نيسان يسألنا
و بيرش وردو عا منازلنا
منخبرو شو صار منسمعو الأشعار
يللي كنت فيها تغازلنا
بكرا بيجي نيسان يغوينا
و يموج زهورو بروابينا
منحكيلو عالي كان منسمعو الألحان
يللي كنت فيها تناجينا
ناطرين تلوح يا حلو و تبوح
و تسمع شكاويك للوردات
ناطرين نضيع عالدرب و تشيع
عن هوانا بهالدنيي حكايات
بكرا بيجي نيسان يسعدنا
و عاتلال أحلامو يبعدنا
منتيه شردانين عا دروب مخضرين
و أرض الهوى و الحب موعدنا






[ندعوك للتسجيل في المنتدى أو التعريف بنفسك لمعاينة هذا الرابط]


ريح الشمالي - الأخوين رحباني
ريح الشمالي يا نسيم بلادنا
يا حسرتي عالشيلوا ميلوا
و دموع عيني عالفراق بينزلوا
أوف قالوا جميع الناس حبابك بادلوا
قلت حاشا أن يوافوا غيرنا
أنا في ضيعة الينبوع جاري
و رفيق الحقل و البستان جاري
ارجعوا يا هاجرين الدهر جاري
و شمس العمر مالت عالغياب
يا بوي و شمس العمر مالت عالغياب






[ندعوك للتسجيل في المنتدى أو التعريف بنفسك لمعاينة هذا الرابط]


يا ربعنا - الأخوين رحباني
يا رايحين مشرق لا تطولون الغيبة
و بلاك يا محبوبي هالدار ما لو هيبة
حط الشمال بوجهك يا زين لا تنساني
و قلبي بلون عقالك أسود من القطران
يا ربعنا العالي الصروح في عيشتك عز و هنا
و المجد في أرضك يلوح يا ربعنا يا ربعنا
يا بنت يللي عالسطوح طلي و شوفي خيولنا
و العز ما عمرو يروح عن ربعنا و سهولنا
يا مهرة الخلف الجبل خيل العدا ما تطالها
تخطر و راعيها البطل جالس يغني قبالها
يوم المفاخر ديرتك لحن الهبة موالها
يا رب تكبر مهرتك تكبر و أني خيالها
ريح الشمالي زوري الغوالي
و قلن عابالي طيف محبوبي
بقعد لحالي أذكر ليالي
يوم الحكالي و تاه عادروبي




[ندعوك للتسجيل في المنتدى أو التعريف بنفسك لمعاينة هذا الرابط]

عاليادي اليادي - الأخوين رحباني
راجع كلمات أسطوانة و الذكريات

ما احلى الرجعة بكير - الأخوين رحباني
ما أحلى الرجعة بكير و الدنيي رفوف عصافبر
هالدرب اللي منعرفها شو إلنا عليها مشاوير
هلق عالضيعة منطل و منشوف سطوحها القرميد
و الدوري يكرج و يغل معشش عالشبالك جديد
و يا نسيم أخطر و هل بيت الحلوي منو بعيد
سهرة عندا و ما منفل تترف اليليي و تطيب
يا ريت نحنا سهرانين و عتم و تلج يغطي حقول
و أنا و إنتي منسيين و خبيك بقلبي عاطول
و يدقوا يدقوا الحلوين عاقلبي و قلن مشغول
روحوا نحنا تعبانين حبينا و بعدنا كتير





[ندعوك للتسجيل في المنتدى أو التعريف بنفسك لمعاينة هذا الرابط]


أمي - الأخوين رحباني
أمي أمي نداء الحنان و صفو الأمان و أسعد حلم أمي
في شجن الفؤاد و ليل السهاد أعذب ما أنادي أمي
و حين أشدو لحني في هدأة التمني أجمل ما أغني أمي




[ندعوك للتسجيل في المنتدى أو التعريف بنفسك لمعاينة هذا الرابط]


كرمالك - الأخوين رحباني
أنا عا دنيتك عصفور لافي
على لحن الهوى و الحب غافي
غاطط حد شباكك يغني
حتى تطل و يقلك عوافي
كرمالك كرمال عيونك
كرمال الفي و الدار و العشرة
كرمالك عا ظل غصونك
هالعين تسوح و اسأل يا عمري
طلينا عا ربوع ديارك
شو لون شو غيم شو كروم عم تلمع
طلينا و لقينا دارك
مفتوح عا كل هالخير و مشرع
بيلوح ربعك ببالي
و سطوح ملياني دوالي
و القلب يحن و الشوق يجن
و عالبال تعن هاك الليالي






[ندعوك للتسجيل في المنتدى أو التعريف بنفسك لمعاينة هذا الرابط]

مغرور قلبي - الأخوين رحباني
مغرور قلبي كيف بدي فهمو
إنو الهوى بيعزبو بيندمو
لا كان يتعلم من ليالي البكي
و لا كانت جروحو القديمي تعلمو
ضجرت خصور الورد من لم الندي
و الطير وعى الزنبقة البيضا و هدي
و إنتا يا ضايع أيمتي رح تهتدى
دار الحكي و الناس عم يتلوموا
مشيتني عادرب وعرة بالضباب
و تهنا ورا عينيك بيجيبوا العذاب
و ياما لحقنا الريح ياما عا كلمة عتاب
و ياما نطرنا و يمرقوا و ما يسلموا
تاريك مش وحدك تنينتنا سوى مجانين
مقهورين طيرنا الهوا
و مش رايدين ناخد لهالعلة دوا
العزوقنا منحللو و منحرمو



[ندعوك للتسجيل في المنتدى أو التعريف بنفسك لمعاينة هذا الرابط]